Pumatay sa siklista sa Quiapo, susuko na

NAGPAHAYAG nang kagustuhang sumuko sa Manila Police District (MPD) ang driver ng kotse na bumaril at nakapatay sa naka-alitang siklista sa Quiapo, Manila nitong Lunes.

Ayon kay MPD Director chief Supt. Joel Coronel, nakatanggap sila ng impormasyon na nakahandang magpaliwanag ang driver ukol sa kanyang pagbaril sa bicycle rider na si Mark Vincent Geralde sa P. Casal Street kahapon.

Una rito, nagpunta sa tanggapan ng National Bureau of Investigation (NBI) Anti Organized and Transnational Crime Division (AOTCD) ang isang Nestor Punzalan makaraan siyang idawit ng ilang Facebook post sa pamamaril.

Giit ni Punzalan, mali ang kumakalat na plate number ng sasakyan na sangkot sa krimen.

Hindi rin daw siya ang lalaking nakuhaan sa CCTV na bumaril sa biktima.

Dagdag niya, pumunta lamang siya sa tanggapan ng NBI para linisin ang kanyang pangalan.