26-anyos guro binugbog tinangkang halayin sa sementeryo

DAGUPAN CITY – Bugbog-sarado ang isang 26-anyos guro makaraan tangkang halayin ng isang lalaki sa loob ng sementeryo sa bayan ng Bayambang, Pangasinan habang ay dumadalaw sa puntod ng kanyang ina kamakalawa.

Ayon kay Bayambang chief of police, Supt. Gregorio Galsim, unang dumalaw ang biktima sa puntod ng ina para mabantayan ng ama ang hiniram nilang motorsiklo na ginamit sa pakikipaglibing.

Habang nagtitirik ng kandila ang guro sa puntod ay dumaan ang isang lalaki, agad tinakpan ang kanyang bibig at tinangka siyang halayin.

Lumaban ang biktima at kinagat sa braso ang suspek makaraan siyang iniuntog sa nitso at binugbog.

Nakalabas sa compound ng sementeryo ang sugatang biktima at nakahingi ng tulong sa ama na naghihintay sa kanya kaya’t nadala siya sa ospital at nakapagsumbong sa pulisya.