Pagpirma ni Duterte sa FOI EO welcome sa NUJP

WELCOME sa National Union of Journalists of the Philippines (NUJP) ang pagpirma ni Pangulong Rodrigo Duterte sa Executive Order on Freedom of Information.

Ayon sa grupo, ang mabilis na pagtupad ni Duterte sa kanyang pangako sa panahon ng kanyang pangangampanya ay hindi lamang mahalaga sa media kundi sa lahat ng mga naniniwalang ang “transparency and accountability” ay kailangan sa mabuting pamamahala at demokrasya.

“Although the bill seems better than the version of the bill that the previous administration had endorsed in Congress, we hope that any exceptions to the EO’s coverage will not dilute its essence and intent.

At the same time, we urge Congress to enshrine Freedom of Information as part and parcel of governance in our country through legislation,” pahayag ng NUJP.

Samantala, nananawagan ang grupo sa pamahalaan na palawakin at palakasin ang “freedom of the press and of information” sa pamamagitan ng sumusunod:

Pagkilos para mawakasan na ang media killings at pagresolba sa nakaraang mga pagpatay, isalang sa paglilitis ang mga suspek at tapusin ang “culture of impunity” na anila’y palatandaan nang pagwawalang-bahala sa buhay at sa karapatang pantao sa bansa.

At pagpapawalang bisa sa lahat ng batas na humahadlang sa kalayaan sa pagpapahayag, katulad ng criminal libel law, at pagsasabatas ng mga panukalang magpapatibay rito.

Nanawagan din ang NUJP sa bawat Filipino na maging mapagbantay at protektahan ang kalayaan sa pamamahayag sa bansa.