HATAW! D'yaryo ng Bayan hatawtabloid.com
INIIMBESTIGAHAN ng pamunan ng Philippine Army ang isa sa kanilang opisyal kaugnay sa pagkakasangkot sa illegal drug trade makaraan mahuli kasama ang kanyang asawa sa loob mismo ng kanilang bahay nang salakayin ng mga operatiba ng PNP at PDEA kamakalawa sa Cagayan de Oro City.
Kinilala ang naarestong opisyal na si Maj. Suharto Tambidan Macabuat, 40, at miyembro ng Philippine Army.
Nakuha sa bahay ng opisyal ang ilang short firearms at malaking halaga ng droga.
Ayon kay Phil. Army spokesperson Col. Benjamin Hao, sila mismo ang magsasagawa ng imbestigasyon at tiniyak na hindi nila kinukunsinte ang kanilang mga tauhan lalo na sa pagkakasangkot sa illegal drugs.
“ If there is an evidence that will show Macabuat is indeed linked with illegal drug operation, he will be referred to either the military court martial or the Army’s Efficiency and Separation Board (ESB),” pahayag ni Hao.
Nilinaw rin ni Hao, ito ay bukod pa sa kahaharaping criminal case ng suspek.
Batay sa record ng Philippine Army, si Macabuat ay kasal kay Haj. Johairah Bagumbung Macabuat, isang negosyante at may isang anak sila.
