HATAW! D'yaryo ng Bayan hatawtabloid.com
CAGAYAN DE ROO CITY – Arestado ang mag-asawa na kinabibilangan ng dating town mayor at aktibong army official sa inilunsad na court search warrant sa Brgy. Kauswagan, Cagayan de Oro City kamakalawa.
Kinompirma ni PDEA agent Ben Calibre ang pag-aresto sa suspek na si dating Maguing Mayor Johayra Bagumbung Macabuat alyas Marimar na tinaguriang bigtime drug lord sa Mindanao.
Arestado rin ang asawa ni Marimar na si Maj. Suharto Macabuat, naka-destino sa Fort Bonifacio, Taguig City.
Hinuli rin ng mga awtoridad ang anim tauhan ng mag-asawa habang nakompiska ang mahigit P500,000 halaga ng shabu, mga baril at mga sasakyan.
Samantala, mariing itinanggi ng mag-asawa na sila’y drug lords na kumikilos sa Autonomous Region in Muslim Mindanao na kinabibilangan ng Regions 9, 10, 11 at 12.
