HATAW! D'yaryo ng Bayan hatawtabloid.com
Good pm po,
Ask ko lng po Señor, ung dream ko ay nagkiss dw s akin yung bf ko at ang saya2 ko daw tas ay tumatalon daw kaming 2 tas ay parang lumipad p kami, tas ay naglakad na kmi and madaming bulaklak at halaman, slmat po – Cathie
To Cathie,
Ang panaginip ukol sa halik ay may kinalaman sa love, affection, tranquility, harmony, at contentment. Maaari rin na ikaw ay naghahanap ng bagong pagmamahal o ng taong kakalinga sa iyo, lalo na kung ikaw ay loveless sa kasalukuyan, kaya naging ganito ang panaginip mo.
Ang panaginip naman na masaya ka kasama ang boyfriend mo ay maaaring compensatory dream, lalo’t kung hindi naman talaga ganito ang sitwasyon sa inyo ng BF mo. Kadalasan kasi sa mga ganitong sitwasyon, kung ano ang hinahangad mo o nais mong mangyari na hindi naman nagkakatotoo sa reyalidad, sa panaginip ito lumalabas dahil iyon ang lagi mong inaasam at nakakintal na sa iyong isipan.
Kapag sa panaginip ay tumatalon ka, nagpapakita ito ng pangangailangang makipagsapalaran upang makuha ang iyong minimithi. Mapagtatagumpayan mo ang mga balakid sa buhay at makikita ang napipintong magandang resulta sa inaasam mong layunin. Maaaring nagpapabiwatig din ito ng pagtalon dahil sa sobrang kaligayahan o kaya naman, ng kawalan ng pasensiya at pagiging padalos-dalos sa mga ginagawang mahahalagang desisyon. Kung ano ang naramdaman mo sa panaginip na ito ay maaaring magbigay sa iyo ng dagdag na kahulugan. (Itutuloy)
