HATAW! D'yaryo ng Bayan hatawtabloid.com
IPINAHAYAG ni Bea Alonzo na kinabahan siya sa love scene nila ni Gerald Anderson sa pelikulang How To Be Yours ng Star Cinema. First time na nagtambal sa pelikula ang dalawa at ami-nadong may ilang factor noong unang araw ng shooting nila.
Nang usisain ang Kapamilya aktres kung may love scene ba sila sa pelikulang ito ng ex boyfiend niya, eto ang kanyang sagot: “Mayroon, kasi ano siya, e, istorya ng isang relasyon, anatomy of a relationship nga. So, mayroon,” saad ni Bea.
Sinabi rin niyang sa simula ay kinabahan daw siya sa naturang eksena, pero may touch daw ito ng comedy para sa kanya nang biglang nagsayaw si Gerald.
“Noong una, kabang-kaba ako. Siyempre naman, kapag eksena namang ganyan, lalo na kapag babae ka, nakakakaba naman talaga. Pero ito na yata ang pinakanakakatawang love scene na nagawa ko. Kasi bigla na lang siyang magma-macho dance na ganyan.
“So, talagang matatawa ka na lang, kaya ang light lang ng approach. Noong ginawa niya iyong macho dancing, mas naging komportable ako, mas naging fun na siya,” nakatawang sabi ni Bea.
Posible bang magkabalikan sila ni Gerald, lalo’t nagkasama sila ngayon sa pelikula? “Hindi ko po masabi, e. Hindi ko po alam. Hindi naman po iyan ang iniisip namin. Ngayon, we’re just working on a project together na sobrang nag-e-enjoy kami. I must admit nag-e-enjoy talaga akong kasama siya, like sometimes I look forward going to the set to see him, to see Direk. So, parang hindi ko kayang pumunta pa roon (sa balikan with Gerald) as of now.
“Gusto ko lang i-embrace kung ano ‘yung nararamdaman ko ngayon, and that is enjoying every moment right now,” esplika ni Bea.
Ang How To Be Yours ay mula sa direksiyon ni Dan Villegas. Tampok din dito sina Alex Vincent Medina, Anna Luna, Bernard Palanca, Bryan Sy, Devine Aucina, Janus Del Prado, Jerome Tan, at Nicco Manalo at mapapanood na sa Hulyo 27.
ALAM MO NA! – Nonie V. Nicasio
