Arci, tiniyak na hindi na siya masasawi sa pag-ibig

NAKATUTUWA ang pangako ni Arci Munoz sa kanyang sarili, hindi na siya magiging sawi.

Ang pangakong ito ay nasambit ni Arci nang makausap namin sa last taping day ng pinakabagong handog ng Viva Films at N2 Productions, ang Camp Sawi na idinirehe ni Irene Villamor at pinagbibidahan din ninaBela Padilla, Kim Molina, Andi Eigenmann, at Yassi Pressman.

Bagamat aminado rin namang mahirap mangyaring hindi na siya masasawi, iginiit ni Arci na gagawin niya ang lahat para maiwasan iyon dahil sobra raw siyang nasaktan nang masawi sa ex-BF niyang isa ring singer ng banda. Masaya si Arci ngayon sa piling ng kanyang rakistang boyfriend.

Makakapareha ni Arci sa Camp Sawi ang singer ding si Kean Ciprianokaya nagkakatawanan na tila walang ipinag-iba sa tunay na pangyayari sa kanyang buhay.

Anyway, hindi naman naging mahirap kay Arci na makatrabaho si Kean na kaibigan din niya gayundin ang baguhang director na si Villamor na kung ilarawan nga niya’y sobrang cool.

SHOWBIZ KONEK – Maricris Valdez Nicasio