HATAW! D'yaryo ng Bayan hatawtabloid.com
CAUAYAN CITY, Isabela – Apat ang patay kabilang ang isang barangay kapitan sa pananambang ng hindi nakilalang mga suspek sa Cañogan Abajo Sur, Santo Tomas, Isabela kamakalawa.
Kinilala ang mga namatay na si Punong Barangay Montano Zipagan ng Cañogan Abajo Sur; kanyang anak na si Joylyn Mabbayad, 23; pamangkin niyang si Jelane Zipagan, 8; at apo niyang si Aira Shane Zipagan, 12-anyos.
Habang sugatan sina Benita Zipagan, asawa ni Kapitan Montano, at Terris Joy Mabbayad, 1, isa pang apo.
Batay sa pagsisiyasat ng Santo Tomas Police Station, naganap ang pananambang bandang 5:15 p.m. sa bahagi ng municipal road sa Cañogan Abajo Sur, Santo Tomas, Isabela.
Ang mga biktima ay sakay ng isang kotse (UKL 319) at nang makarating sa maisan na walang tao ay agad silang pinagbabaril ng hindi nakilalang mga suspek.
