HATAW! D'yaryo ng Bayan hatawtabloid.com
HINDI nakapalag ang tatlong hinihinalang tulak ng ipinagbabawal na droga nang maaresto sa isinagawang buy-bust operation ng mga tauhan ng Station Anti-Illegal Drugs (SAID) sa ML Quezon Road sa Bagumbayan, Taguig City, Sabado ng madaling araw.
Kinilala ang mga suspek na si Ernesto Evangelista, siyang target sa operasyon, live-in partner niyang si Jocelyn Osorio, at pamangkin na si Maynard Reyes.
Ayon kay Police Chief Inspector Jerry Amindalan, hepe ng Taguig SAID, dalawang buwan nilang minatyagan ang kilos ng mga suspek, at nitong Sabado ng madaling araw ay bumili ang asset ng shabu sa halagang P3,000.
Dagdag ni Amindalan, nasa watchlist ng Taguig Police si Evangelista at kadalasang mga taga-Bagumbayan din ang kanyang mga parokyano.
