HATAW! D'yaryo ng Bayan hatawtabloid.com
NAKAPAGTALA ng 187 naarestong mga sangkot sa ilegal na droga ang Navotas City Police mula Enero hanggang kasalukuyan kaugnay sa anti-illegal drug campaign sa lungsod.
Kabilang sa mga naaresto ang 37 suspected drug pushers, at 104 users habang 46 ang naaktohan sa pot session.
“Our fight against illegal drugs started years before the enforcement of Oplan Tokhang. We deemed it crucial to keep our city safe from the menace of drug abuse and addiction,” ayon kay Navotas Mayor John Rey M. Tiangco .
“We wanted to promote a drug-free city, and ensure the welfare of our families and the future of our children,” dagdag ng alkalde.
Sinabi pa ni Mayor Tiangco, siya ring namumuno ng Navotas Anti-Drug Abuse Council (NADAC), nagpapatupad ang lungsod ng mga programa at proyekto upang makaiwas ang mga residente sa paglaganap ng ilegal na droga.
Mula Enero ang NADAC ay tatlong beses nang nakipag-ugnayan sa drug suspects, nagsagawa ng mga pulong at binalaang itigil na ang illegal drug activities na sumisira sa mga biktima ng paggamit ng droga.
( JUN DAVID )
