HATAW! D'yaryo ng Bayan hatawtabloid.com
LA UNION – Hindi na umabot nang buhay sa pagamutan ang isang lalaki habang dalawa ang sugatan nang mahulog ang sinasakyang motorsiklo sa irrigation canal sa national highway, Brgy. Ipet, Sudipen, La Union kahapon ng madaling araw.
Kinilala ang namatay na si Jerick Mostoles, 22, habang sugatan ang driver ng motorsiklo at isa pang backride na sina Justin Luis Carpio, 18, at John Allen Moral.
Sa pagsisiyasat ng pulisya, magkaangkas sa isang motorsiklo ang tatlo habang binabagtas dakong 2:00 am ang nasabing kalsada nang biglang bumangga sa barikada ng road construction.
Dahil dito, nahulog sa kanal na may lalim na limang metro si Mostoles habang tumilapon ang dalawang iba pa.
Agad itinakbo sa ospital ang tatlo ngunit binawian ng buhay si Mostoles.
