HATAW! D'yaryo ng Bayan hatawtabloid.com
HUMINGI ng tulong si PNP chief, Director General Ronald dela Rosa sa Palasyo ng Malacañang sa harap nang ipatutupad na malawakang random drug test sa kanilang buong hanay na bahagi ng kanilang ‘internal cleansing’.
Ayon kay Dela Rosa, malaking budget ang kanilang kailangan para sa naturang drug examination.
Dahil kulang ang pondo ng PNP, humingi sila ng saklolo sa tanggapan ng pangulo para sa kaukulang dagdag na pondo.
Bukod aniya sa 160,000 strong force ng pambansang pulisya, saklaw rin sa nasabing hakbang ang mga NUP o non- uniformed personnel na aabot sa 20,000.
Una nang sinabi ni PNP Crime Laboratory Director chief, Supt Emmanuel Aranas, P300 kada pulis ang budget allocation para sa massive random drug test.
