Binay cases lilitisin ng 3rd Division ng Sandigan

HAHAWAKAN ni Sandiganbayan Presiding Justice Amparo Cabotaje-Tang at kinabibilangan niyang ikatlong dibisyon ng anti-graft court ang paglilitis sa mga kasong kinakaharap ni dating Vice President Jejomar Binay.

Ito’y nang mapunta sa third division ang kaso makaraan ang kanilang isinagawang raffle.

Matatandaan, kinasuhan si Binay at iba pang dating opisyal ng Makati City government dahil sa overpriced Makati Parking Building o Makati City Hall II.

Dahil naitakda na ang hahawak ng usapin, maaari nang maitakda ang paglilitis at paharapin ang mga isinasangkot sa isyu.

Bukod sa dating bise presidente, dawit din si dating Makati mayor Jejomar Erwin “Junjun” Binay at iba pang dating opisyal ng city hall.