HATAW! D'yaryo ng Bayan hatawtabloid.com
PINAGBABARIL hanggang mapatay ang isang barker na sinasabing drug user at babaero, ng hindi nakilalang mga suspek na sakay ng motorsiklo habang nagtatawag ng mga pasahero nitong Huwebes ng gabi sa Pasay City.
Binawian ng buhay habang isinusugod sa Pasay City General Hospital ang biktimang si Reynaldo Baculo, 22, miyembro ng Batang City Jail, ng 307 G. Villanueva St., Brgy. 52, Zone 7, ng lungsod.
Ayon sa imbestigasyon ng pulisya, dakong 10:10 pm nang nangyari ang insidente sa panulukan ng Buendia Avenue at A. Luna St., Brgy 38, Zone 5.
Habang nagtatawag ng pasahero ang biktima nang sumulpot ang isang motorsiklo at siya ay pinagbabaril.
( JAJA GARCIA )
TULAK TODAS SA PARAK SA CALOOCAN
PATAY ang isang hinihinalang tulak ng droga nang manlaban sa mga pulis makaraan maaktohan habang nagtutulak ng shabu kamakalawa ng gabi sa Caloocan City.
Agad binawian ng buhay sa insidente si Salic Gafore, ng Sampaloc St., Brgy. 178 ng nasabing lungsod.
Batay sa ulat ni Senior Supt. Johnson Alamazan, hepe ng Caloocan police, naaktohan ng mga pulis ang suspek habang nagbebenta ng droga.
Ngunit nang matunugan ang mga pulis ay tumakbo ang mga kasama ng suspek ngunit lumaban si Gafore sa mga awtoridad.
Gumanti ng putok ang mga pulis na nagresulta sa pagkamatay ng suspek.
( ROMMEL SALES )
