HATAW! D'yaryo ng Bayan hatawtabloid.com
SI Angelo Carreon ay isang print ad model, product endorser, ramp model, movie actor, artist sa GMA-7 at dating bahagi ng Walang Tulugan with the Master Showman ni German Moreno.
Nakapasok siya sa mundo ng showbiz nang na-discover siya ni Kuya Germs sa GMA Network. Pinag-guest ito sa radio program niya sa DZBB, hanggang ipinasok na rin sa kanyang TV show sa Kapuso Network.
Tinatanaw ni Angelo na malaking tulong at utang na loob niya sa Master Showman kaya siya nagkaroon ng puwang sa mundo showbiz.
“Lubos pa rin po ang pasasalamat ko kay Tatay Germs kahit wala na siya, dahil binigyan niya po ako ng chance na makapasok sa showbiz at naging part ng Walang Tulugan.”
Si Angelo ay lumabas na rin The 700 Club Asia ng GMA-7, Kapuso Mo Jessica Soho, Eat Bulaga (Pinoy Henyo) Celebrity Edition, at iba pa. Ilang beses na rin siyang nag-TV guesting sa CLTV 36, PepTV. Pati na sa radio tulad sa DZBB, DZME, GV 99.1, at sa ibang mga on-line radio programs.
“Abala po ako ngayon sa acting workshop para sa mga nakalinyang indie films, movie at teleserye. Masaya rin po ako dahil nagkita at nagkausap kami ni Direk Maryo J. Delos Reyes para sa mga susunod na project na gagawin ko.
“Hinahasa po ako ng manager ko na si Eman Bas sa tamang pag-awit at pag-arte upang maipakita pa lalo ang aking talent. Lagi niyang ipinaaalala rin sa akin ang pagiging masikap at matiyaga.”
Lubos rin ang pasasalamat ni Angelo sa lahat ng sumusuporta sa kanya tulad ng kanyang parents, manager, sponsors, at supporters.
ALAM MO NA! – Nonie V. Nicasio
