HATAW! D'yaryo ng Bayan hatawtabloid.com
CEBU CITY – Swak sa kulungan ang isang pulis na nakatalaga sa Special Weapons and Tactics (SWAT), kasama ang tatlong iba pa na nahuli sa buy-bust operation sa Sitio Harag, Brgy. Talavera, Lungsod ng Toledo, Cebu kamakalawa.
Kinilala ang mga suspek na sina PO2 Ronjie Nadora, 36; Richard Flores, 30; Neil Enriquez; at Nanding Abella, 23.
Ayon kay PO2 Carlos Bardoado ng Toledo City Police, may nagsumbong sa kanilang himpilan tungkol sa drug activity kaya agad nagsagawa ng test buy nitong Sabado ng gabi hanggang naaresto ang SWAT officer at mga kasamahan.
Inamin ng pulisya na si Enriquez ang subject ng operation at nadatnan lang sa drug den ang iba pang mga suspek na nagsasagawa ng pot session.
Napag-alaman, ilang ulit nang nailipat sa iba’t ibang local government unit si PO2 Nadora dahil sa poor performance at pagkakasangkot sa ilegal na droga.
