HATAW! D'yaryo ng Bayan hatawtabloid.com
PINAYUHAN ng Philippine Coast Guard (PCG) ang maliliit na mga sasakyang pandagat na huwag munang bumiyahe sa susunod na dalawang araw dahil sa sama ng panahon na dulot ng bagyong Butchoy.
Ayon kay PCG Spokesperson Armand Balilo, maiging hintayin muna ng mga naglalayag na maging kalmado ang karagatan bago bumiyahe para maging ligtas.
Napag-alaman, kamakalawa ay hindi pinayagang makabiyahe ang ilang barko mula Manila dahil sa masamang lagay ng panahon.
Nasa apat domestic at 14 international flights din ang naapektuhan kamakalawa dahil sa pag-ulan na dulot ng bagyong Butchoy.
