HATAW! D'yaryo ng Bayan hatawtabloid.com
GENERAL SANTOS CITY – Mamimigay ng mga gift certificate ang Local Government Unit (LGU) ng Glan, Sarangani, kasabay nang pinaigting na kampanya kontra sa droga.
Ito ang kinompirma ni Mayor Victor James Yap Sr. makaraan sabihin ni Pangulong Rodrigo Duterte na may mga alkalde na dawit sa drug trade.
Mas mabuti aniyang magkaalaman na, kaya siya mismo ang mangunguna kasama ang bise alkalde, konsehal at mga department head, sa pagsailalim sa drug test.
Dagdag ni Mayor Yap, sa kasalukuyan ay may isang pusher ang namatay, apat ang nahuli, habang 600 ang sumuko sa pulisya.
Ang gift certificate ay may katumbas na libreng kabaong, embalsamo, bigas, kape pati ang karo papuntang sementeryo.
Pinapirma ng waiver ang drug personalities para kung magpositibo sa drug test ay deretso na sa bilanggguan.
Kinompirma ng opisyal na nakikipagtulungan sa kampanya ang TESDA para magbigay nang libreng training sa mga surenderees.
