HATAW! D'yaryo ng Bayan hatawtabloid.com
HINIKAYAT ni Navotas City Rep. Toby Tiangco ang kanyang mga kasamahan na suportahan ang inihain niyang “no work, no pay bill” para matapos ang absenteeism sa Kamara.
Iginiit ni Tiangco, hindi layunin ng kanyang panukala na siraan ang institusyon ng Kamara kundi ang hikayatin silang lahat na maging tapat sa kanilang sinumpaang tungkulin.
Kung ordinaryong manggagawa aniya ay hindi nababayaran kung hindi magtrabaho, walang dahilan para maging iba rito ang sistema para sa kanila sa Kongreso.
Ang sahod aniya ng mga mambabatas ay galing sa buwis ng publiko kaya mas dapat ang “no work, no pay.”
Paalala ni Tiangco sa mga kapwa kongresista, ang absenteeism ang mas nakasisira sa Kongreso at hindi ang paghahanay ng sistema para tapusin ito.
