Cacai, nagdugo ang puwet dahil sa sobrang kilig sa AlDub!

AMINADO ang komedyanang si Cacai Bautista na big fan siya nina Alden Richards at Maine Mendoza. Sobrang kilig daw siya sa tandem ng Aldub, kaya nang nakasama siya sa pelikula ng dalawa na pinamagatang Imagine You & Me ay sobra raw siyang natuwa.

“Noong nalaman ko na may pelikula nga na ganito, sabi ko, ‘Sino kaya? Sandali lang, sino kaya iyon?’ Siyempre na-excite ako assumera ako di ba?

“Naisip ko AlDub! Tapos tuwang-tuwa talaga ko as in ang saya ko tapos, pumunta talaga ko sa simbahan, as in nagpasalamat ako, lagi kasi akong nagpupunta kay Padre Pio,

“Sobrang fan din ako ni Maine eh, si Alden kasi nakakasama ko na iyan sa mga show dati pa,” pahayag ni Cacai sa presscon ng naturang pelikula.

Ikinuwento rin niya na dahil sa sobrang excitement ay gumugo ang kanyang puwet!

“Ako syempre, fan na fan ako ng AlDub. Tsaka napanood ko noong una kayong nagkita roon. Sabi ko nga, ‘yung gumanon si ano, napanood ko iyong araw na iyon,” esplika pa niya with matching body language.

Dagdag pa niya, “Tapos noong nagkita na kayo, tapos may biglang bumagsak na ganoon, natusok yung ano ko, iyong puwet ko sa sobrang excitement. Natanggal kasi iyong pakaw ng hikaw ko, naupuan ko, dumugo sa sobrang saya ko, kasi sobrang fan talaga ako ng AlDub!

“Juskoday, minsan-minsan lang nagkakaroon ng chance sa buhay mo na mapapasama ka sa hindi lang sa Pilipinas sikat, kundi sa ibang bansa din, like sa Asia at iba pa, sobrang saya ko, sobrang grateful ako!”

Ang Imagine You and Me ay showing na sa July 13.  Ito ay na mula sa direksiyon ni Mike Tuviera para sa APT Entertainment, GMA Films, at M-Zet Television, Inc. Bukod kina Maine, Alden at Cacai, tampok din sa pelikula sina Jasmine Curtis-Smith, Cai Cortes, Gerald Napoles, at iba pa.

ALAM MO NA! – Nonie V. Nicasio