HATAW! D'yaryo ng Bayan hatawtabloid.com
SIYAM pang pulis ang nagpositibo sa droga sa isinagawang random surprise drug test.
Sa bilang na 2,405 sumalang sa random drug test nitong Biyernes, kasama rito ang 75 matataas na opisyal mula ca PNP headquarters sa Camp Crame.
Nilinaw ni PNP chief Director General Ronald “Bato” Dela Rosa, ang mga pulis na nagpositibo sa droga ay mula sa regional police offices at hindi mula sa hanay nilang mga opisyal sa Kampo Crame.
Tumangging banggitin ng PNP chief ang pangalan ng nasabing mga pulis at ang kanilang nga ranggo.
Paglilinaw ni Dela Rosa, isasalang pa sa confirmatory test ang siyam pulis.
Sa kauna-unahang flag raising ceremony na dinaluhan ni Dela Rosa, muli niyang binigyang-diin ang ‘zero tolerance’ laban sa mga pulis na gumagamit ng ipinagbabawal na gamot.
