HATAW! D'yaryo ng Bayan hatawtabloid.com
TUGUEGARAO CITY – Nakatakas ang 18 Vietnamese na nahuling ilegal na nangingisda sa Calayan island, Cagayan.
Sa impormasyong nakalap, nakatakas ang nasabing foreign poachers habang nasa kustodiya ng Philippine Coast Guard (PCG) sa Port Irene sa Brgy. Casambalangan, Sta. Ana, Cagayan.
Napag-alaman, pasado 10:00 pm nitong Huwebes nang tumakas ang mga mangingisdang Vietnamese gamit ang kanilang fishing vessel.
Nagsasagawa nang malalimamg imbestigasyon ang PCG at BFAR para malaman kung paano nakatakas ang mga dayuhan.
Siniguro ng PCG at BFAR na may mananagot sa insidente.
Matatandaan, nasabat nang pinagsanib na puwersa ng BFAR at PCG nitong Mayo ang naturang poachers dahil sa ilegal na pagpasok at pangingisda sa teritoryo ng Filipinas.
