Tetay, may paglulugaran pa ba sa GMA?

MULA SA isang mapagkakatiwalaang source,  Michael James ang napipisil ni James Yap at ng kanyang partner na si Mikaela para ipangalan sa kanilang magiging supling na isisipot sa Christian world ngayong  July.

Obviously, halaw ang pangalan sa kanilang dalawa na may palayaw na MJ.

Ang tanong: tanggap na kaya ni Kris Aquino na magkakaroon ng kapatid si Bimby? For sure, hindi pa gaanong nagsi-sink in ito sa kamalayan ni Kris.

At maikokonek tuloy ang disgusto ni Kris sa kanyang self-generated publicity para pag-usapan.

Remember na dalawang buwan ding nagbakasyon si Kris, hardly visible on TV pero aktibo naman sa social media?

And since Mikaela’s giving birth to her child by James is forthcoming, natural, ito ang inaabangan ng publiko, bagay na ayaw ni Kris.

Paano na nga naman siya at kanyang anak most specially Bimby, eh, ‘di na-divert ang publisidad kay Baby MJ?

At dahil kailangang paingayin ni Kris ang kanyang pagbabalik, hayun, idinamay pa ang misis ni Dingdong Dantes, ang buong estasyon ng GMA, at maging si Ai Ai las Alas na rati niyang sanggang-dikit.

Nakakita kasi si Kris ng butas na puwedeng pagsuotan, thus creating furor sa kanyang pagge-guest sa show ni Mrs. Dantes.  Ang resulta ay ang mga nagsasalimbayang kongklusyon tungkol sa napipintong paglipat niya sa GMA.

Teka, mukhang this is a remote possibility considering na sina Boy Abunda at Deo Endrinal lang naman ang nasa likod ng career ni Kris. If ever ba’y may malulugaran siya sa GMA, eh, teritoryo na ito ni Ai Ai na kaya nga umalis sa ABS-CBN ay dahil sa kanya?

But Kris is Kris anuman ang panahon at hindi man ang kanyang Kuya Noynoy na ang pangulo ng bansa. Let’s give it to her.

Trip niya ‘yon, so be it.

HOT, AW! – Ronnie Carrasco III