HATAW! D'yaryo ng Bayan hatawtabloid.com
BACOLOD CITY – Umabot na sa apat katao ang namatay sa vehicular accident na nangyari sa Circumferential Road, Brgy. Taculing, lungsod ng Bacolod bandang -8:30 am kahapon.
Kinilala ang namatay na construction workers na sina Lito Toyogan, Arman Algabre, Jerwin Hotosmi at Regie Vargas.
Ito ang kinompirma ni Jeser Mansueto, project manager ng DK2 Construction & Consultancy Corporation ng Cebu City, Cebu, pinaglilingkuran ng apat namatay na mga biktima, gayondin ang 14 kasamahan na pawang sugatan at ngayon ay ginagamot sa Corazon Locsin-Montelibano Memorial Regional Hospital.
Ayon kay Mansueto, ipinaalam na nila ang insidente sa pamilya ng 18 biktima na karamihan ay tubong Cebu at ang iba ay taga-Bohol, Dumaguete City, Bais City at Hinigaran.
Aniya, tutulong ang kanilang kompanya lalo sa mga gastusin sa pagpapalibing at pagpapagamot sa mga biktima.
Napag-alaman, bumangga sa isang poste ang sinasakyang Canter truck ng mga biktima nang mag-overtake sa sinusundang multicab.
May nakitang babaeng tumatawid sa naturang daan at sinundan pa ng isang motorsiklo na nakasalubong nito kaya agad kinabig ng driver ang manibela pagilid upang maiwasan ang ginang at motorsiklo hanggang bumangga sa poste.
