HATAW! D'yaryo ng Bayan hatawtabloid.com
NANINIWALA ang lady boss ng BG Productions International na si Ms. Baby Go na pasado bilang sexy star si Nathalie Hart. Sa pelikula nilang Siphayo na pinamamahalaan ni Direk Joel Lamangan, todo ang ginawang pagpapaka-daring ni Nathalie. Todo-hubad talaga siya sa mga eksena rito.
“Oo naman, puwede talagang maging sexy star si Nathalie. Daring siya at sexy talaga si Nathalie sa pelikula naming Siphayo. Balita ko, talagang wala siyang reklamo sa shooting kahit kailangan niyang maghubad dito. Kung ano ang sabihin ni Direk Joel, wala siyang arte o kiyeme,” saad ni Ms. Baby.
Dagdag pa niya, “Talagang palaban sa Siphayo si Nathalie at ginagawa niya ang lahat para sa ikagaganda ng pelikula.”
Bukod kay Nathalie, ang Siphayo ay tinatampukan din nina Luis Alandy, Joem Bascon, Allan Paule, at iba pa.
May frontal nudity sa pelikula si Nathalie dahil target nito ang international filmfest, kaya sure kaming talagang magmamarka sa pelikulang ito ang aktres.
Base sa nasagap pa naming tsika, talagang walang kiyeme si Nathalie sa hubaran at sa love scene niya rito. Mayroon daw eksena si Nathalie na naliligo na hubo’t hubad at walang plaster.
Kuwento naman sa amin ni Dennis Evanglista, resident supervising producer ng BG Productions, “May frontal nudity rito si Nathalie, may eksena siyang bumukaka nang walang panty!”
Dagdag pa niya, “Tatlong mag-aama ang tinuhog niya rito e, sina Luis Alandy, Joem Bascon, at Allan Paule. For matured audience talaga ang film, hindi malaswa pero okay lang na maging R-18 ang rating.”
Launching movie ito ni Nathalie at aminado ang aktres na masa-shock ang viewers sa gagawin niya rito.
ALAM MO NA! – Nonie V. Nicasio
