HATAW! D'yaryo ng Bayan hatawtabloid.com
HINDI napigilan ni Beauty Gonzalez na maiyak at ipagtapat na nagkaroon siya ng takot na baka hindi na makabalik ng showbiz dahil sa pagbubuntis niya.
Ang pagtatapat ay kasabay ng pagpapasalamat niya sa Star Cinema dahil isinama siya sa pelikula nina Jodi Sta. Maria, Richard Yap, at Ian Veneracion, ang The Achy Breaky Hearts na mapapanood na sa June 29.
“Akala ko hindi na ako makababalik,” anito at sinabi ring nanghinayang sa biglang pag-iwan sa kanyang career para bigyang daan ang panganganak. Nagbibida na nga naman siya noon (Dream Dad at Ningning) nang biglang mabuntis.”May kaunting panghihinayang. Hindi naman iyan nawawala sa atin,” giit ni Beauty.
May panghihinayang man sa career, hindi naman siya nanghinayang sa pagkakaroon ng anak dahil ito ang nagbibigay sa kanya ng kaligayahan ngayon. “Parang feeling ko may purpose na ako in life. I feel so complete. Ang sarap, sarap maging nanay.”
Nang tanungin naman si Beauty ukol sa posibilidad na pagpapakasal nila ng ama ng kanyang anak na si Norman Crisologo, isang art curator, sinabi nitong, “Gusto ko munang gawin ito habang may ino-offer sa akin. I want to fill up my own cup first before marriage.”
Sa kabilang banda, ginagamapanan ni Beauty sa The Achy Breaky Hearts ang isang kaibigan/love advice guru kay Jodi.
SHOWBIZ KONEK – Maricris Valdez Nicasio
