HATAW! D'yaryo ng Bayan hatawtabloid.com
FIRST time na gumanap bilang kontrabida ni Isabelle de Leon sa fantasy-drama TV series na Magkaibang Mundo. Ang naturang serye sa Kapuso Network ay tinatampukan nina Louise delos Reyes at Juancho Trivino.
“Yes po, first time kong lu-mabas na kontrabida, si Sofie Sandoval po ang character ko rito,” esplika sa amin ng talented na singer/actress.
Ano ang comment mo dahil positive ang reactions ng netizens sa pagiging kontrabida mo rito. “Masaya po and encou-raged na aralin pa nang husto ‘yung character ko as Sofie,” matipid na sagot niya.
Inusisa rin namin si Isabelle kung paano siya nag-prepare ng kanyang role rito.
“Nanood ako ng films, but this time mas ina-analyze ko kung saan po nagmumula ‘yung kontrabida. Kasi usually, bida ang kinakampihan natin. Here, inalam ko po kung saan sila nagmumula.”
Mayroon ka bang peg na kontrabida rito like Princess Punzalan or Cherie Gil?
“Wala po… I read the script, then nanood ng mga films with villains like Cinderella, Kill Your Friends, The Huntsman: Winters War, etc.”
Challenging ba sa iyo ang maging kontrabida? “Super challenging po, kasi I used to be bullied before noong highschool. Because I was chubby, I had pimples…
“Never ko po na-assert yung sarili ko kahit kanino nang ganoon katindi, kaya ang hirap po talaga.”
Ano ang ginagawa mo kapag binu-bully ka noong high school?
“Lumalayo na lang po. Ma-limit akong kumain na mag isa…ganoon po. But I do have friends naman, pero maraming pagkakataon na mag-isa lang akong kumakain.”
Ano ang maipapayo mo sa mga kabataang nakaranas ma-bully?
“Dapat huwag nilang paniwalaan ‘yung treatment ng mga bully sa kanila, dahil hindi doon nakabase ang totoo nilang va-lue. Ang bawat bata, bawat tao ay may pag-iingat na nilikha ng Diyos. You are wonderfully made, you can do all things through Christ, who gives you strength.”
ALAM MO NA! – Nonie V. Nicasio
