EB, aminadong malamlam na ang AlDub

THE AlDub fans will kill us for this, pero unahin muna nilang iligpit ang Eat Bulaga sa pagsasabing aminado ang programa na malamlam na ang phenomenal TV loveteam nina Alden Richards at Maine Mendoza.

Kung ‘yan ay nanggagaling na mismo sa palabas na nagsilang sa kanila almost a year ago—sa halip na ipagpilitan pa ring nasa on top of the world pa rin ang AlDub—the admission must be a fact na suportado ng ilang kadahilanan.

However, ang tambalan lang naman ang unti-unting nalalaos, at hindi (inuulit namin, hindi) ang mga lola ni Yaya Dub.

On top of their game pa rin sina Jose Manalo at Wally Bayola na obvious na sa kanila na lang naman nakaangkla maging ang buhay ng Eat Bulaga. Without the comic duo, we can imagine kung gaano maaapektuhan ang viewership ng EB.

Dapat nga sana’y “co-terminus” ng AlDub popularity ang kina Jose at Wally until their whole kalyeserye is wiped off, pero hindi. Maging ang mga karakter nina Jose at Wally—Duterte at Abunda, respectively—sa isang Sunday show ay kinakagat pa rin ng publiko.

This July ay mag-iisang taon na ang AlDub, quite a long period ng pagnamnam nila ng kasikatan kakambal ng maraming pinagkakitaan.

Pero ayon nga sa awitin ni Barbra Streisand, ” Some good things never last.”

HOT, AW! – Ronnie Carrasco III