HATAW! D'yaryo ng Bayan hatawtabloid.com
SWEPT away. At may malalim na hugot pala ang bagong alaga ng Cornerstone na si Alessandra de Rossi.
Minsan na pala nitong binalak na mamahinga na muna sa telebisyon dahil na-typecast na siya sa paulit-ulit na lang na role ng kontrabidang itinotoka sa kanya. Patayin na lang daw siya. At wala na siyang madamang fulfillment at hindi na siya nai-inspire.
Pero sa pelikula sari-saring karakter na ang nagagampanan niya.
At minsang tinangka niyang maghain ng kanyang mga piyesa sa mga record companies na agad tinanggihan dahil hindi ‘yun ang tunog na hinahanap nila.
At madalas ang mga ganoong klase ng rejection pa nga ang sa kalaunan eh umaariba.
Sa idinireheng music video ni Meryl Soriano ni Alessandra featuring Marc Abaya, ginamit ito sa pelikulang Water Lemon na-nominate pa ang musical scoring ng mahusay na aktres sa Urian!
Kaya paano pang aatras ang nasa direksiyon na ng pagiging isang recording artist na malapit ng ilabas ang album na may 15 kanta! In her words, the songs of her life!
Noon pa man, nakilala na namin si Alessandra sa personalidad niya bilang isang go getter!
Fierce!
There’s one thing though na nilinaw siya. Na hindi sila mag-dyowa ni Marc.
“Tinalunan na nga namin ‘yung level na magkaibigan. Dumiretso kami sa tratuhang magkapatid!”
HARDTALK – Pilar Mateo
