Zanjoe, nanirahan sa kuweba

MEET the caveman. A father’s tale. Ito ang katauhang itinoka kay Zanjoe Marudo ng MMK (Maalaala Mo Kaya) ngayong Sabado (Hunyo 18) bilang amang mag-isang magtataguyod sa dalawang anak.

Gagampanan ni Zanjoe ang papel ng isang single father na palalakihin ang dalawang anak matapos iwan ng asawa sa Father’s Day special ngMMK na siya ring Father’s Day treat ng programang nagdiriwang ng ika-25 taong anibersaryo.

Dahil lumaki sa hirap, ipinangako ni Juan (Zanjoe) sa kanyang sarili na sa pagkakataong magka-anak siya ay gagawin niya ang lahat para pag-aralin ang mga ito.

Ngunit hindi naging madali ang lahat nang mapangasawa niya si Melissa (Dawn Chang) at nagkaroon ng dalawang anak. Hirap ang mag-asawang pagkasyahin ang kita ni Juan sa araw-araw nilang pangangailangan kung kaya’t napilitan si Melissa na maghanap ng trabaho sa malayong lugar.

Lumipas ang panahon at hindi na nagparamdam pa si Melissa sa mag-aama at napag-alaman na lamang ni Juan na may iba na pala itong kinakasama.

Halo-halong malas na ang dumating sa buhay ni Juan at winasak pa ng bagyo ang kanilang tahanan, kaya naman humantong siya sa desisyong manirahan silang mag-aama sa isang kuweba. Araw-araw ay apat na kilometro ang nilalakad ng kanyang mga anak para makarating sa eskuwelahan na inaasar pa ng kanilang mga kaklase dahil sa kanilang tirahan.

Saan dadalhin si Juan ng kanyang kahihiyan sa dinaranas ng mga anak? Matupad pa kaya niya ang pangako sa mga anak na bigyan sila ng magandang buhay?

Kasama sa upcoming episode ng MMK sina Xyriel Manabat, Louise Abuel, Alfonso Yñigo Delen, Karla Pambid, Tess Antonio, Justin Cuyugan, at Lemuel Pelayo. Ang episode ay sa ilalim ng direksiyon niNuel C. Naval at panulat nina Jimuel Dela Cruz at Arah Jell Badayos. Ang MMK ay pinamumunuan ng business unit head nito na si Malou Santos.

Samahan ang MMK sa paggawa ng mas maganda pang mga alaala sa ika-25 anibersaryo nito at bisitahin ang mmk.abs-cbn.com. Huwag din itong palampasin tuwing Sabado ng gabi sa ABS-CBN ABS-CBN o ABS-CBN HD (SkyCable ch 167). Panoorin nang libre ang latest episodes nito sa  iwantv.com.ph o skyondemand.com.ph para sa Sky subscribers.

Para nga sa host nito na si Ms. Charo Santos-Concio, ang mga istoryang natutulikap ng MMK team sa pagdayo nila sa iba’t ibang panig ng bansa eh, itinuturing nilang humbling experience gaya ng napiling kuwento ng “caveman”.

HARDTALK – Pilar Mateo