Annabelle, nang-aaway na naman?

VISIBLE na naman si Annabelle Rama sa social media, pero ‘yun ay kung paniniwalaan na siya ang nagmamay-ari ng Instagram account sa kanyang pangalan with matching picture niya.

Ang sentro ngayon ng pang-aalipusta ng feisty showbiz mom ay ang GMAreporter na si Mariz Umali na kamakailan ay biktima umano ng cat-calling o wolf-whistling ni President-elect Digong Duterte.

Tita A has called Mariz all sorts of names, even saying na ang arte-arte raw nito since after the incident ay umalma na rin ang mister nitong siRaffy Tima.

Here’s hoping na isang impostor ang nasa likod ng IG account na ‘yon at hindi ang tunay na Annabelle Rama ng showbiz.

Unang-una, babae rin si Tita A tulad ni Mariz. At kung matatandaan, inalmahan na rin niya noon ang umano’y ginawang pambabastos sa kanya ng isang mayor sa isang hotel.

Pangalawa, may anak na babae si Tita A, si Ruffa Gutierrez, na lagi niyang ipinagtatanggol sa mga naging nobyo at dating asawa on issues na may kinalaman sa kawalan ng respeto.

HOT, AW! – Ronnie Carrasco III