Michael, suki na sa mga foreign show

INDEPENDENT life.

Ito ang ini-enjoy ng singer-actor na si Michael Pangilinan kahit pa may nagbibigay inspirasyon na sa kanya, ang anak na si Ezequiel at girlfriend na si Garrie Concepcion.

Malaya pa rin naman si Michael sa pagdedesisyon sa mga bagay lalo na kung may kinalaman ito sa kanyang propesyon.

Kaya noong Araw ng Kalayaan, nakalipad sa Taichung, Taiwan si Michael kasama ang manager na si Jobert Sucaldito at sumalang sa show na hinost ni Papa Ahwel Paz sa paanyaya ni Fr. Joy Tajonera.

Si Michael ang naanyayahan para haranahin ang mga kandidata sa Mr. And Ms. Philippines-Taiwan sa TADA Concert Hall.

Tuwang-tuwa naman si Michael dahil sa mainit na pagtanggap ng mga kababayan natin sa kanya at hindi sila nahirapan para makapag-ikot sa mga tourist spot sa nasabing bayan.

Mukhang kina-capture ni Michael ngayon ang foreign shows sa mga paanyaya sa kanyang kaliwa’t kanan. And next weekend, he will be in Japan naman para magpasaya pa rin sa ating mga kababayan. Bandang end of the year pa ang kanyang US and Europe shows.

At sa bawat buka ng bibig niya sa paghagod sa mga kantang ibinabahagi sa kanyang audience mukha ng kanyang anak ang nagtutulak kay Michael para magpursige sa karerang inaalagaan.

And love will always find a way at the right time!

HARDTALK – Pilar Mateo