Bike rider utas sa truck

PATAY ang isang 50-anyos bike rider nang masagasaan ng 10 wheeler truck sa Pedro Gil Avenue sa Maynila kamakalawa ng gabi.

Kinilala ang biktimang si Gil Garcia, nasa hustong gulang, habang arestado ang suspek na si Editho Paulin, truck driver.

Sa pahayag ng suspek, nag-counter flow ang biktima at pagkaraan ay nakarinig siya nang malakas na kalabog sa gilid ng kanyang truck.

Naganap ang insidente dakong alas 10:30 p.m. malapit sa Manila Police District Station 6.

Sasampahan ng kasong reckless imprudence resulting in homicide ang nasabing truck driver.