HATAW! D'yaryo ng Bayan hatawtabloid.com
IBANG mga hugot naman. Ang mga linya at katagang mabibitawan every now and then ng istorya ng star-crossed lovers na ipakikilala sa bagong serye ng ABS-CBN na magsisimula na sa June 20, na tatampukan ng bago ring loveteam na sina Elmo Magalona at Janella Salvador.
Ang Land of The Rising Sun naman ang magiging backdrop ng lovestory nina Sam Kazuko na isang aspiring Pinay singer na lumaki sa Japan at si Kevin Sebastian na isang sikat na singer at anak ng OPM icon na si Mike Sebastian (Ariel Rivera) na nagpasikat ng kantang Born For You.
Nakuha ng ABS-CBN ang kanta ng singer-composer na si David Pomeranz na isa sa kanyang hits para gamitin sa serye at siya na rin ang lumabas sa music video nito kasama ang mga bida.
Kaya extra happiness sina ElNella dahil pumayag ito to sing it with a new arrangement.
Kung may pagkakapareho ang dalawa sa ugali nila eh ang pagiging tahimik. So, paano sila nag-bonding sa pamamalagi nila sa Japan?
Si Janella, napanood na once sa isang serye si Elmo.
“Sabi ko, hala, pareho kaming quiet, paano kami magkakasundo. At first. Medyo quiet siya at first. Pero noong nagkausap na kami ng matagal, lalo na po sa Japan, nagka-bonding kami, marami kaming bagay na napagkakasunduan.”
Si Elmo aminadong napapanood na niya noon sa Be Careful with My Heart ang dalaga.
Dagdag pa ng binata, “Isa sa na-discover ko is that we both love food, Japanese food to be exact so pagdating namin doon, kain kami ng kain talaga, plus we both love pets, animals so when we have the free time, maraming pets store in Japan, so nagtingin-tingin kami ng dogs, ng cats.”
Hindi maka-get over si Elmo at amazed nang makasama nila ang sikat na si David.
“Sobrang it’s so surreal na David Pomeranz himself flew in to sing a new rendition of his original song para sa soap namin and it’s such a big honor na ma-meet namin siya to shoot our music video,.”
Siguradong tututukan ang chemistry ng dalawang malamang na tamaan ng ilang paniniwala sa mga lover sa Japan na irerelay ni direk Onat Diaz sa mga manonood!
HARDTALK – Pilar Mateo
