Acting ni Vin, pang-MMK na ba?

ALL fire! Sa sayaw ng pag-ibig. Ito naman ang istorya ng pag-iibigan ang ipamamalas sa episode ng MMK (Maalaala Mo Kaya) ngayong Sabado, June 11, na magtatampok kay Jessy Mendiola sa isang napaka-seksing role as a pole dancer.

At ang kasalo niya sa kuwento ng pag-ibig ng longest drama anthology in Asia na nagdiriwang ng ika-25 na taon nito ay ang aktor na bunga ng isang reality-talent search na si Vin Abrenica.

Kung si Elmo ay may iniwan ding partner sa paglipat niya sa Kapamilya, si Vin din daw eh, mayroon.

Pero say ni Vin, “Sophie and I are still very good friends. And ‘yung mga ganitong bagay naman lalo na pagdating sa mga trabaho eh, napag-usapan na namin. Ngayon, all I feel is that ang lakas ng fire ko ngayon. Sobrang excited with the things na gagawin ko and very thankful ako na itong ‘MMK’ ang una kong sasabakan.”

Kaya rin super excited si Vin eh dahil sa pag-asam na makasama sa isang proyekto ang iniidolo niyang si Jericho Rosales.

And when compared to his brother Aljur, ito raw ang mas guwapo sa kanya pero sisiguruhin niyang siya ang mas magaling sa akting sa kuya niya!

Isang musikero ang papel ni Vin sa MMK at dancer naman si Jessy. At nang paghiwalayin sila ng tadhana eh nanatili pa rin ang dalaga sa patuloy na pagmamahal sa kanya.

Ang episode na #MMKPoleDance ay mula sa direksiyon ni Jerry Lopez Sineneng.

Ang alindog ni Jessy sa pole. Ang hibik ng puso ni Vin. Maaaring ito rin ang istorya ng buhay mo.

HARDTALK – Pilar Mateo