Mag-ama patay sa baril nang mag-alitan

PATAY ang isang mag-ama nang magkaalitan sa loob ng kanilang bahay sa Paoay, Ilocos Norte kamakalawa.

Agad namatay ang 32-anyos na si Rex Blanco nang barilin ng kanyang amang si Hermogenes.

Base sa imbestigasyon, pinagalitan ng biktimang si Rex ang kanyang anak bago nangyari ang insidente.

Ngunit hindi nagustuhan ng suspek, na lolo ng bata, ang pamamaraan kung paano pinagalitan ang kanyang apo.

Hindi nakapagtimpi si Hermogenes at binaril ang sariling anak.

Ngunit aksidenteng nabaril ni Hermogenes ang sarili nang pumutok ang baril makaran niyang isukbit sa kanyang tagiliran.

Idineklara siyang dead-on-arrival sa ospital.