Magsasaka patay sa tama ng kidlat

KALIBO, AKLAN – Patay ang isang magsasaka makaraan tamaan ng kidlat sa Brgy. Alfonso XII, Libacao , Aklan kamakalawa.

Kinilala ang biktimang si Leny Zonio, 40, at residente ng naturang lugar.

Sa ulat, naglalakad ang biktima sa labas ng kanilang bahay nang biglang dumilim ang kalangitan na sinundan ng kulog at kidlat.

Si Zonio ang ikalawang namatay habang apat na iba pa ang nasugatan sa tatlong magkakahiwalay na insidente nang pagtama ng kidlat sa naturang bayan.