HATAW! D'yaryo ng Bayan hatawtabloid.com
ITINANGGI ni Piolo Pascual na si Liza Soberano ang napapabalitang crush niya ngayon na mas bata sa kanya. Ayon kay Piolo, “Hindi naman crush. Si Liza, I just like her face, ang ganda kasi.”
At the same time, inamin naman niyang gustong makatrabaho si Liza. Sinabi pa ni Piolo na hindi raw niya tinanggap ang isang TV series sa Kapamilya Network na dapat ay magiging anak niya si Julia Barretto dahil gusto niyang maka-partner ang isa sa bituin ng Dolce Amore.
“Gusto ko nga maka-partner pa si Liza, ibibigay nyo pa sa akin si Julia,” natatawang saad ng actor na bida sa pelikulang Love Me Tomorrow.
Ang pahayag na ito ay naganap nang mag-guest si Papa P. sa show ni Vice Ganda na Gandang Gabi Vice recently.
Anyway, kung sakaling matuloy na magkaroon ng project sina Piolo at Liza, magandang kombinasyon ito kapag nagkataon. Basta bagay lang sa kanila ang istorya at hindi magiging pilit.
Tungkol pa rin kay Liza, nabalitaan namin thru Ogie Diaz’ Instagram na ang kanyang magandang alaga ay malapit nang magka-album.
Saad ni Ogie sa kanyang Instagram account: @lizasoberano music album in the works! Meeting with the Star Music staff Rox Santos, Jonathan Manalo and managing director @roxy.liquigan.
Abangan! #SingerNaSiLiza#MaiinlabKaSaMgaSongs
Sure ako na maraming Liza fanatics ang na-excite sa balitang ginagawa na ang kauna-unahang album ng kanilang idolo.
ALAM MO NA! – Nonie V. Nicasio
