Ang Panday, magwawakas na sa June 2

SA ataw man o sa gusto ng mga batang naadik na sa panonood ng Ang Panday sa TV5, ang anumang bagay na nagsisimula ay may katapusan.

Sa June 2, Huwebes, na kasi magwawakas ang TV adaptation ng obra ni direk Carlo J. Caparas sa ilalim ng malikhaing direksiyon ni Mac Alejandre.

Matatandaang February 9 nang mag-umpisang umere sa Kapatid Network ang kuwento ni Flavio, na pamilyar na sa mga manonood nang makailan din itong isinapelikula first played by Fernando Poe Jr..

Ang mas exciting nga lang, dinadagdagan ng maraming sangkap ang TV version na ito with only one actor in mind, si Richard Gutierrez who’s direk Carlo and wife Donna Villa’s hands down choice para gumanap bilang Flavio.

Bukod sa katauhan ni Flavio, nakisahog na rin kasi ang mga karakter nina Miguel at Juro upang silang tatlo—sa magkakaibang panahon—ay magtulong-tulong upang sugpuin ang kasamaang inihahasik ni Lizardo.

For the kids na tumutok talaga rito, malungkot man sila ay nasiyahan din naman sila sa bawat episode nito. At tinitiyak ng buong produksiyon nito na hanggang sa huling episode isa lang ang malinaw na mensahe ang nakapaloob sa kuwento.

Kailanman, hindi magwawagi ang kasamaan.

HOT, AW! – Ronnie Carrasco III