HATAW! D'yaryo ng Bayan hatawtabloid.com
SINA Erika Mae Salas at Josh Yape ang dalawa sa tampok sa show sa Music Box titled Voices of Love. Gaganapin ito sa May 29 (Sunday) at kasama rin dito sina Alyssa Angeles at Sarah Ortega. Front act sina Janna Manuela Enriquez, Adrian Desabille, Stepahnie Bangcot, Aizert Ann Bolivar, at Katherine Grace Galleto.
Special guest ang singer/actor na si Michael Pangilinan, ang award-winning aktres na si Ana Capri, ang Singapore based singer na si Tori Garcia, at ang versatile na singer/comedian na si Mojack Perez. Ito’y mula sa direksiyon ni Throy Catan.
Sina Erika Mae at Josh ay kapwa nangangarap na maging successful na singers.
Kapwa bagest pa lang ang dalawa, 14 yeard old si Erika Mae, samantalang kinse anyos naman si Josh.
Ayon kay Erika Mae, masaya siya kapag nagpe-perform. “Masaya po at excited, basta po ine-enjoy ko na lang po yung performance.”
May plano ka rin bang mag-artista? “Puwede po ‘pag may chance po, kung ano pong opportunities yung dumating sa akin.
This year ay maglalabas siya ng album, ano’ng klaseng songs ang gusto mong mapasama sa album mo? “Iyong mga Rock po, Pop-Rock po, Pop, tapos iyong mga song na nakaka-relate sa mga kabataan po.”
Ayon naman kay Josh, masaya siya kapag nagpe-perform. “Masaya po ako lalo na kapag madami po akong nakikitang crowd. ‘Tapos lalo na po ‘pag nagugustuhan nila yung kanta at performance ko, masarap po sa pakiramdam.”
Nagvo-voice lesson si Josh, ngunit kapag nao-ospital ang mother niya’y huminto muna siya. Mas pririority siyempre ng kanilang pamilya ang pagpapagamot sa Mommy niyang may leukemia. “Nagvo-voice lessons po ako, pero kapag minsan po nagpapagamot po si Mama, kailangan ko munang ihinto kasi kailangan po sa pagpagamot ni Mama. Kaya minsan po self-study na lang po, titingin na lang po ako sa Youtube kung paano ide-deliver yung bawat kanta.
“Inspirasyon ko po sa pagsisikap ko ang mommy ko, gusto ko pong suklian ang lahat ng paghihirap niya.”
ALAM MO NA! – Nonie V. Nicasio
