Pelikula nina Michael at EA, suportado ng LGBT

NAKATITIYAK na ng suporta mula sa Ladlad LGBT community sa pangunguna ni Ms. Bems Benedito ang gay-themed movie na Pare, Mahal Mo Raw Ako, na sa wakas ay magtutuldok na sa pananabik ng mga gay couple sa ating paligid.

Partikular na hinangaan ni Bems ang mahusay na mang-aawit na si Michael Pangilinan—na siya ring kumanta ng piyesang ipinanlaban niya sa Himig Handog P-Pop Love Songs noong 2014—sa paggalang at pagpapahalaga nito sa pantay na karapatan ng mga miyembro ng LGBT kahit isa siyang tunay na lalaki.

In the Joven Tan-helmed film, may lihim na pagtingin ang best friend ni Michael (Red) na si Edgar Allan Guzman (Mark) sa kanya.  Kung paano ito ipinagtapat ni Mark at the expense of their brotherly friendship at ang sumunod na konsikwensiya ng rebelasyong ‘yon ang hindi dapat palampasin sa pelikula.

Showing on June 8, kabilang sa cast ay sina Ana Capri, Matt Evans, Joross Gamboa, Nikko Seagal Natividad, Miggy Campbell, at Ms. Nora Aunor na gumaganap bilang ina ni EA.

HOT, AW! – Ronnie Carrasco III