HATAW! D'yaryo ng Bayan hatawtabloid.com
IPINAHAYAG ni Edgar Allan Guzman na nag-enjoy siya sa paggawa ng pelikulang Pare, Mahal Mo Raw Ako ni Direk Joven Tan na tinatampukan nila ni Michael Pangilinan. Ito’y showing na sa June 8 at hango sa sikat na awitin ni Michael na may kaparehong titulo na naging entry sa Himig Handog PPop Lovesongs 2014 na ang composer ay si Direk Joven din.
“I enjoyed working with Michael. Nakaka-in love kasi ang role ko-isang gay best-friend na na-in love sa character ni Michael sa movie. Marami tiyak ang makaka-relate dahil it happens to the best of us. Nakakatawa, nakakaiyak, nakakakilig… lahat-lahat nang sangkap nandoon na.
”Sana suportahan nila ang launching movie na ito ni Michael-he’s a revelation dito,” saad ni Edgar Allan na as usual ay muling nagpamalas ng magaling na performance rito.
Bukod kina Michael at Edgar Allan, kabilang din sa cast ng Pare, Mahal Mo Raw Ako sina Joross Gamboa, Matt Evans, Katrina ‘Trina’ Legaspi, Ana Capri, Nikko Seagal, at may special participation dito ang Superstar na si Nora Aunor.
Sinabi rin ni EA na na-excite siyang muling makatrabaho sa pelikulang ito ang nag-iisang superstar.”Siyempre excited ako, lalo na noong nalaman ko na nanay ko pa siya ulit. Kumbaga, pang-ilang beses ko na siyang naging nanay.
“For the longest time, siguro one year, na hindi ko siya nakatrabaho, ngayon lang ulit dito sa pelikula and iyong role pa niya’y kakaiba at yung role ko kakaiba rin. Hindi yung usual na mag-ina.”
Nang inusisa siya kung nakakadagdag ba sa pagkalalaki niya kapag nalalamang may bading na nagkakagusto sa kanya, ito ang kanyang tugon: “Opo, kasi para din naman iyang mga babae, titilian ka, sasabihan kang, ‘Ay pogi! Ay guwapo! Ay ang sarap!’ Ganoon, so para sa akin, nakakadagdag sa kompiyansa sa sarili ko.
“Pero hindi ko ipinagmamalaki na nakaka-macho, nakaka-lalaki hindi ganoon. Masarap lang kumbaga, nakaka-flatter lang sa pakiramdam.”
ALAM NA! – Nonie V. Nicasio
