HATAW! D'yaryo ng Bayan hatawtabloid.com
GANADONG magtrabaho si Sancho delas Alas dahil malapit na siyang maging daddy. Excited din siya, kaya kahit anong project ay hindi siya tumatanggi.
“Mas magiging focus ako sa career ko dahil yun nga po, excited ako since magkakaroon na ng baby. And feeling namin, suwerte kami roon sa baby, kasi parang nagkaroon po ng tuloy-tuloy na project,” saad niya na idinagdag pang eight weeks pregnant na ngayon ang girlfriend niya for two years na si Shanna Retuya.
Nakatira kayo sa Mama mo ngayon? “Yes, ang saya… dapat po lilipat na ako ng condo, kaso sabi ni mama ‘wag na lang. Hindi raw po kasi ideal yung condo namin for the baby. ‘Tsaka mabuti nababantayan din niya and kailangan din po namin ng mga advice since first baby. Marunong po ako magkarga ng bata, yung mga pakain, magpalit ng diaper, marunong din po.”
Bukod sa TV series na Wish I May sa GMA-7, nakatakda rin gawin ni Sancho ang pelikulang Area ng BG Productions na tatampukan nina Ai Ai at Allen Dizon at pamamahalaan ni Direk Louie Ignacio. “Isa po akong kasador o bugaw sa movie na Area, ako po yung kanang-kamay ng manager, siya po yung namamahala sa kasa. Ako po yung next to manager, ako po ang naniningil and ako rin po nag-aasikaso kung saan and kung kanino sasama yung mga babae.”
Samantala, plano raw nilang magpakasal para hindi maging illegitimate ang bata, pero malamang daw na pagkatapos nang manganak ni Shanna.
“Baka after na lang po muna (manganak). Dapat ang original plan po was before, bago pa manganak. Kaso kasi, iniisip po namin very fragile pa po yung baby. Eh, ang dami pong kailangan asikasuhin for wedding. Eh baka po kakaasikaso namin ng wedding, baka may mangyari sa baby.
“Pero plano na po talaga namin magpakasal pero hindi pa po ganoon ka-sure. Eh since nandyan na po yung baby, para naman hindi illegitimate yung baby, siyempre gusto ko rin naman po na ikasal kami. And gusto ko rin po na dala ng anak ko yung apelyido namin.”
ALAM MO NA! – Nonie V. Nicasio
