Roque kumaskas sa stage 2

HUMARUROT si Navy-Standard Insurance Rudy Roque papuntang finish line upang sungkitin ang Stage 2 criterium ng Visayas leg LBC Ronda Pilipinas 2016 sa Iloilo Business Park, Iloilo City.

Umoras si 23-year-old Roque ng one hour, seven minutes at 26.69 seconds para talunin ang mga kakamping  sina Stage 1 winner Ronald Oranza (1:07:26.75) at Mindanao Leg champion Jan Paul Morales (1:07:26.83).

Nakopo rin ng Navy-Standard Insurance team ang 1-2-3 punch.

“The plan is to win every significant award possible,” wika ni Roque tubong Bataan.

Hinamig ni Roque ang 15 general individual classification points para tapatan ang 28 puntos output ni Oranza sa kabuuan matapos ang dalawang stage.

Subalit isusuot pa rin ni 23-year-old Oranza ang red jersey at overall lead dahil mas mabilis ang oras nito, 2:16:50.69 kumpara sa 2:16:50.77 ni Roque.

“I’m happy that a Navy teammate won,” sabi ni Oranza, nakahablot na ng six stage victories kasama ang first two stages sa Mindanao Leg sa Butuan City nitong nakaraang buwan.

Pumang-apat si El Joshua Carino ng Navy (1:09:50.38) sumunod si Ronald Lomotos (5th) ng Team LBC-MVP Sports Foundation, (1:09:50.40).

( ARABELA PRINCESS DAWA )