HATAW! D'yaryo ng Bayan hatawtabloid.com
INAABANGAN na ang opening salvo ng Viva Films na pelikulang Lumayo Ka Nga Sa Akin na isang trilogy starring Maricel Soriano, Herbert Bautista, Cristine Reyes, Benjie Paras, Candy Pangilinan, Paolo Ballesteros, Jayson Gainza, Antoinette Taus, at Shy Carlos.
Marami na ang nasasabik na mapanood ulit ang Diamond Star dahil matagal-tagal na rin siyang hindi nakikita sa big screen. Ganoon din ang pagbabalik ni Cristine Reyes after manganak.
Kahit mag-aasawa na si Cristine ay hindi niya iiwan ang showbiz.
“Mas maraming trabaho, mas okay,” sambit niya.
Pero may limitasyon na siya sa daring at pagpapaseksi lalo’t may anak na. Depende raw sa fiancé niya na si Ali kung papayagan siya sa ganoong proyekto.
“Si Ali, maintindihin naman ‘yan sa mga bagay. Kung mai-explain mo sa kanya na maganda ‘tong project na ‘to, I’m sure approved naman sa kanya if ever,” sambit pa niya.
Pinapirma na rin ng Viva Sports si Ali at posibleng umarte na rin dahil pinag-workshop din siya sa acting.
”Tawa nga siya ng tawa, eh. Sabi niya, hindi niya alam ang ginagawa niya. Pero we’ll see. Sabi ko naman sa kanya, kung mayroong kumakatok sa pinto mo, alam mo ‘yun? Hindi naman lahat ng tao kinakatatukan ng pinto, eh. Bakit hindi mo buksan?
“Noong una, natakot ako, baka mamaya. . .alam mo ‘yun, ang daming temptation diyan. Pero sa pagkakakilala ko naman kay Ali, ano eh, ayokong sabihing kampante pero I trust him enough,” deklara pa ni Cristine.
Ang Lumayo Ka Nga Sa Akin ay showing na sa January 13 mula sa direksiyon nina Mark Meily, Andoy Ranay and Chris Martinez.
TALBOG – Roldan Castro
