Alden, inalok na ng kasal si Maine

UMPISA pa lang ng Eat Bulaga ay naiyak na si Alden Richards sa mga mensahe sa kanya ng Dabarkads para sa 24th birthday niya. Nagmarka sa amin ang mensahe ni Allan K na ngayong puno ang kalendaryo niya at dumating ang panahon na lumuwag ito, nandiyan lang sila na dabarkads.

Makatuturan din ang mensahe ni Sen. Tito Sotto na sana raw ay matuto namang ilagay sa tama at lumuwag ang kalendaryo ni Alden para naman makapagpahinga at matulog.

Sumagot naman si Alden na kaya pa naman ang schedule niya.

Pero napansin din namin na medyo namamaos ang boses ng Pambansang Bae na nangangahulugan lang na kulang ito sa pahinga.

Sana lang, ‘wag siyang mawalan ng boses dahil may show pa siya sa January 7 titled Alden Live in Dubai na gaganapin sa Dubai Tennis Stadium at sa January 8 sa Qatar National Convention Center para sa Yaya’s Bae goes to Qatar.

Ngayong 2016 isang malaking achievement ni Alden ay matapos ang five-bedroom house niya.

Si Maine Mendoza kaya ang unang showbiz girl na papanhik sa bagong bahay niya?

May mga pabiro na si Alden kay Maine na  nagbibigay kilig at may halong kaseryosohan. Kinukulit niya si Maine noong January 1 sa Eat Bulaga sa dialogue niya na, ”Sabihin mo ngayon…10 times, 5 times, 3 times, kailan mo ako sasagutin?”

May   knock-knock din tungkol sa …merry. Tanong ni Maine, “Merry who?”

Sagot ni Alden, ”Marry me!”

Talbog!

TALBOG – Roldan Castro