Monday , May 5 2025

Pacquiao vs Khan?

012815 pacman khan roach
SINO nga ba ang magiging huling laban ni Manny Pacquiao sa ring bago siya magretiro?

Strong contender si Amir Khan sa listahan ni Pacman. Pero Malaki ang impluwensiya ni Bob Arum bilang promoter ng Pambansang Kamao sa kanyang magiging farewell fight.

Base sa mga nakaraang interview ni Pacman, Malaki ang posibilidad na pagbigyan niya si Khan. Pero iba naman ang pananaw ni Arum. Gusto ng pamosong promoter na harapin ni Pacquiao sa ikatlong pagkakataon si Tim Bradley o si Terrence Crawford.

Madali nga namang ikasa ang nasabing laban dahil sina Bradley at Crawford ay nasa kanyang promotions na Top Rank. Wala na nga namang kiyaw-kiyaw sa pagkasa.

Samantalang si Khan ay hawak ni Al Haymon na magiging masalimuot ang magiging negosasyon.

Ang tanong ngayon ng mga miron sa boksing—sino nga ba ang masusunod?   Si Pacquiao o si Arum?

Kung pagbabatayan natin ay ang kikitain ng laban, posibleng piliin ng kampo ni Pacman ay si Crawford o si Bradley. Kunsiderahan kasi natin na ang dalawa ay parehong Kano at mukhang nagpareserba na si Arum ng araw sa Las Vegas.

Siyempre pa, papasukin ang nasabing laban para suportahan ng mga Kano ang kanilang kababayan.

Pero kung ikukunsidera ng Kampo ni Pacquiao ay ang magiging legacy ng Pambansang Kamao sa daigdig ng boksing—si Khan ang pipiliin niya.

Ang problema lang, paano tatanggapin ni Arum na sa Qatar itatakda ang nasabing bakbakan?

Tingin natin, puwede nang iisantabi ni Pacquiao si Bradley. Tinalo na niya ito at mukhang hindi na magiging mainit ang interes ng fans na panoorin pa ito.

Si Crawford…mukhang hindi rin ka-match ni Pacquiao. Kahit na maganda ang pruweba nito sa mababang dibisyon, hindi kakagatin ng fans.

Si Khan…matagal nang naghahamon kina Floyd Mayweather at Pacquiao.   Maganda-ganda na rin ang pruweba nito sa kanilang dibisyon.

At isa pa, tiyak na susuportahan ng mga Briton ang kanilang kababayan.

Pero ang isa nating isang puwersa na magdidiin sa desisyon ni Pacquiao ay ang pagiging kaibigan niya na Qatari royal family. Ang pagiging malapit niya sa pamilya ay nabuo sa nakaraang world amateur boxing championship noong Oktubre na kung saan ay naging panauhing pandangal ang Pambansang Kamao sa mahalagang event.

Posibleng hindi matanggihan ni Pacman ang Qatari royal family kung ito na ang mag-iimbita sa kanya para doon sa lugar nila gawin ang farewell fight niya.

KUROT SUNDOT – Alex Crux

About Alex Cruz

Check Also

PSAA Philippine Schools Athletics Association aarangkada na

Philippine Schools Athletics Association aarangkada na

KABUUANG 10 koponan sa pangunguna ng Philippine Christian University -Manila ang sasalang sa opisyal na …

LA Cañizares Tao Yee Tan Padel Pilipinas

Padel Pilipinas, Kampeon sa Pro Mix ng APPT Kuala Lumpur Open

NAGPAMALAS ng husay ang ating mga atleta matapos masungkit nina LA Cañizares at Tao Yee …

Mark Anthony Fernandez Joms Cup Okada Manila Motorsport Carnivale 2025

Jomari nang makulong sa ilegal na pangangarera — That started my advocacy for road safety and to promote legal racers

SHOWBIZ KONEKni Maricris Valdez BATAMBATA pa si Jomari Yllana nang mahiligan ang pangangarera, Gwaping days pa ‘ika niya. Sa …

Ronald Dableo Chess

Dableo, pangalawa sa Sydney standard tournament

NAGTAPOS bilang ikalawa si International Master Ronald Dableo ng Filipinas sa Sydney International Open 2025 …

PNVF-MVP partnership pinagtibay

PNVF-MVP partnership pinagtibay

PORMAL nang ipinahayag ng MVP Group, na pinamumunuan ni chairman at matatag na tagasuporta ng …

Leave a Reply

Your email address will not be published. Required fields are marked *