NBI employee, negosyante nagbarilan, 1 patay, 1 sugatan

ILOILO CITY – Pinasusuko ni National Bureau of Investigation (NBI) Reg. 6 Dir. Atty. Mario Sison ang kanilang contractual employee makaraang barilin at mapatay ang isang negosyante sa music bar sa Smallville Complec, Mandurriao, Iloilo City kamakalawa.

Sinabi ni Atty. Sison, tumawag sa kanya ang suspek na si Mark Blancaflor ng Jaro, Iloilo City, at nagsabi na susuko siya ngunit hindi na makontak.

Ayon sa ulat ng pulisya, nang lumabas sa comfort room ang biktimang si Tammy Robiso nang makita ang suspek na inaakbayan ang karelasyon niyang babae.

Nagalit ang biktima at bumunot ng baril saka hinataw nito ang suspek.

Bumunot din ng baril ang suspek at pinagbabaril nang pitong beses ang biktima.

Napag-alaman, may isa pang sibilyan sa lugar na sugatan makaraang tamaan ng bala.