1 patay, 3 sugatan sa Batangas fire

BATANGAS – Patay ang isang babae habang tatlong iba pang mga empleyado ang sugatan nang masunog ang isang restaurant at bakery sa Batangas City nitong Martes ng gabi.

Kinilala ang namatay na si Catherine Arcega, dish washer at residente ng Brgy. Sta. Clara, Batangas City.

Habang sugatan sina Jon-jon Frane, Rudy Mendoza, at Joseph Mandigma, pawang mga empleyado ng restaurant.

Ayon sa ulat ng mga awtoridad, nagsimula ang sunog sa Bukatots Food Station nang tumagas ang tangke ng LPG na nagresulta sa pagkatupok ng restaurant at nadamay ang katabing La Suerte Bakery sa Rizal Avenue, Brgy. 18 dakong 7 p.m.